Form­leg kvörtun á borði UEFA: Átti Barcelona að fá víti gegn Atlético?

Leikurinn endaði 0-2 en staðan var 0-1 fyrir Atlético snemma í seinni hálfleik þegar markmaðurinn Juan Musso renndi boltanum til hliðar á varnarmanninn Marc Pubill, sem tók boltann upp með höndunum og tók markspyrnuna upp á nýtt.

Ekkert var dæmt en Barcelona vill meina að um augljósan vítaspyrnudóm sé að ræða. Félagið hefur nú lagt fram formlega kvörtun til UEFA og óskað eftir rannsókn á málinu, því ljóst er að vítaspyrna á þessum tímapunkti hefði gjörbreytt leiknum

Sérfræðingar Sýnar voru sammála þegar þeir ræddu málið í Meistaradeildarmörkunum í gær.

„Hann rennir boltanum bara til hans. Vanalega myndi markmaður taka boltann upp og henda honum til hans… Maður hefur séð dæmt víti á þetta… Þetta er víti,“ sagði Arnar Gunnlaugsson.

Atvikið má sjá í spilaranum hér fyrir neðan.