Talar hreint út um Tiger: „Líf hans er í al­gjörri ó­reiðu á þessum tíma­punkti“

Woods er grunaður um að hafa ekið undir áhrifum lyfja þegar hann reyndi að taka fram úr öðrum ökumanni í Flórída með þeim afleiðingum að þeir rákust saman. Bíll Woods endaði á hlið og var hann síðar handtekinn á vettvangi. 

Þetta var í fjórða sinn sem Tiger Woods veldur bílslysi en hin þrjú slysin hafa sett mikið mark á líf hans og feril sem atvinnumanns í golfi.

Atvikið á sér stað nú þegar stutt er í Mastersmótið í golfi, eitt af risamótum hvers árs í íþróttinni og hefur Woods keppnisrétt á mótinu sem fyrrverandi meistari. 

Meiðsli hafa plagað Woods á seinni árum hans sigursæla ferils og hafði hann gefið því undir fótinn að mæta til leiks á komandi Mastersmóti en eftir uppákomu helgarinnar virðist það nær ógerlegt. 

„Ég myndi telja það. Líf hans er í algjörri óreiðu á þessum tímapunkti,“ svaraði McGinley í samtali við Sky Sports. Hann yrði hissa ef Woods tæki þátt á komandi Mastersmóti aðspurður um það hvort líkurnar væru litlar á þátttöku Woods.

„Hann á stærri verkefni fyrir höndum heldur en það hvort hann spili á Masters eða ekki. Algjöra endurskoðun á því hvernig hann hagar sínu lífi.“ 

Tiger hefur fimm sinnum staðið uppi sem sigurvegari á Mastersmótinu. Síðast árið 2019.