„Ætti kannski að vera nóg að skora tvö mörk til að vinna leikinn“

„Í útileik ætti það kannski að vera nóg að skora tvö mörk til að vinna leikinn. Það er ekki í fyrsta sinn á þessu tímabili sem við berjumst svona mikið og höldum að við séum með sigurinn í höndunum en fáum svo á okkur ótrúlegt skot. Við settum Joe Gomez inn á en þeir tóku stutt innkast. Við misstum af góðum úrslitum,“ sagði Arne Slot í samtali við Sky Sports:

Harrison Reed tryggði Fulham jafntefli með stórkostlegu marki á sjöundu mínútu uppbótartímans.

„Við fengum okkar færi í fyrri hálfleik. Við fengum svipað færi með Cody Gakpo og þeir skoruðu úr. Í draumaheimi sjáum við Liverpool-lið sem er ráðandi en skapar fleiri færi. Við skoruðum tvö mörk, tvö mörk voru dæmd af og við skutuðum í slána. Aftur var það ekki nóg,“ sagði Slot.

„Leikmennirnir gefa allt sem þeir eiga. Ég verð að hafa í huga að ég þarf að halda þeim leikfærum. Alexander Isak er frá og ég þarf að ofkeyra eða spila Hugo Ekitike meira, leikmanni sem hefur aldrei spilað í ensku úrvalsdeildinni. Maður verður að stjórna því. Við erum samt með ellefu mjög góða leikmenn inni á vellinum,“ sagði Slot.

„Það á ekki bara við um okkur, heldur skapa mörg lið ekki færi í hverjum leik. Þetta er ekki fullkomið en við sköpuðum að minnsta kosti nokkrum fleiri færum í dag en í síðustu viku,“ sagði Slot.