Hótað brott­rekstri ef hann færi ekki á börurnar

Moutoussamy féll til jarðar eftir brot og lá um hríð. Dómari leiksins vildi meina að hann væri að eyða tíma þar sem Kongó leiddi leikinn 1-0 og Benín-menn að hóta jöfnunarmarki.

Myndskeið af Moutoussamy er hann stendur upp af börunum full frískur hefur farið sem eldur um sinu á vefmiðlum en hann segist hreinlega ekki hafa verið meiddur.

Í viðtali eftir leik greindi Moutoussamy frá því að dómari leiksins hafi hótað honum gulu spjaldi ef hann færi ekki á börunum út af, fyrst hann væri svo meiddur að hann þyrfti að liggja á vellinum um hríð.

Hann hafði þegar fengið gult spjald í leiknum og því í raun hótað brottrekstri. Þrátt fyrir að engin þörf væri á var kappinn því borinn fullfrískur af vellinum.

Kongó vann viðburðarríkan leikinn 1-0 en líkt og greint var frá í gær vildi Benín fá vítaspyrnu sem ekki var hægt að skera úr um vegna bilunar í VAR-dómarakerfi á vellinum.