Mikael Egill og fé­lögum tókst ekki að stoppa toppliðið

AC Milan náði toppsætinu með sigri í gær en Inter vann 2-1 útisigur á Genoa í dag og er aftur í efsta sæti deildarinnar.

Bæði mörk Inter komu í fyrri hálfleiknum. Yann Aurel Bisseck skoraði það fyrra á sjöttu mínútu en Lautaro Martinez lagði upp það mark og skoraði síðan sjálfur á 38. mínútu.

Vitinha minnkaði muninn fyrir Genoa á 68. mínútu og setti smá spennu í leikinn. Genoa-liðinu tókst ekki að jafna leikinn og sitja fyrir vikið í sextánda sæti.

Íslenski landsliðsmaðurinn Mikael Egill Ellertsson var í byrjunarliði Genoa en var tekinn af velli á 89. mínútu. Hann átti ekki skot í leiknum en skapaði eitt færi fyrir félaga sinn.