Djúsí kjúklingasalat á naanbrauði

Djúsí kjúklingasalat á naanbrauði

Heimagert naan-brauð

Hráefni:

• 1,5 dl volgt vatn
• 2 tsk sykur
• 2 tsk þurrger
• 4 dl hveiti
• 1/2 tsk salt
• 3 msk brætt smjör
• 2 msk hreint jógúrt
• Garam masala
• Sjávar salt

Aðferð:

1. Blandið sykri og geri saman við volga vatnið og látið standa í smá stund.
2. Blandið saman hveiti, salti, bræddu smjöri, jógúrti og gerblöndunni. Látið standa til að hefast í 30 mín. Á meðan skulið þið byrja að elda kjúklingaréttinn.
3. Skiptið deiginu í 6 hluta og fletjið hvern hluta fyrir sig út og kryddið með garam masala og salti.
4. Steikið svo brauðið á pönnu með ólífu olíu þangað til þangað til brauðið verður gullin brúnt.

Kjúklingasalat

• 700 g kjúklingalæri
• 2 msk kjúklingakryddblanda
• 90 g salatblanda 
• u.þ.b. 350 g súrar gúrkur
• 1 rauðlaukur
• 15 g kóríander
• 15 g steinselja 

Sósa

• 2 dl grískt jógúrt
• 3 msk mæjónes
• 1 hvítlauksgeiri, rifinn
• 1 tsk papriku krydd
• 1/4 tsk cumin
• Salt

Aðferð:

1. Kryddið kjúklingalærin og steikið þau á pönnu þar til elduð í gegn. Það er líka hægt að steikja þau þar til falleg húð myndast á þau og setja svo í eldfast mót og elda þau inn í ofni þar til elduð í gegn, ef þér finnst það þægilegra.
2. Skerið niður salat, súrar gúrkur, rauðlauk, kóríander og steinselju smátt niður og setjið í skál.
3. Skerið einnig kjúklinginn smátt niður þegar hann er tilbúinn og bætið í skálina.
4. Hrærið saman mæjónesi, grískri jógúrt, rifnum hvítlauksgeira, paprikukryddi, cumin og salti.
5. Bætið u.þ.b. 2 msk af sósu út í salatið og blandið öllu saman.
6. Setjið smá sósu á naan brauði og svo salatið.