Messi fékk skell sama kvöld og fréttist af komu „líf­varðarins“

Messi var búinn að skora tvö mörk í fimm deildarleikjum í röð fyrir leikinn en hvorki hann né liðsfélögunum tókst að skora í 3-0 tapi á móti FC Cincinnati.

Javier Mascherano, þjálfari Inter Miami, viðurkenndi eftir leikinn að hans menn hafi ekki átt möguleika í þessum leik.

Evander var stjarna kvöldsins en ekki Messi. Evander skoraði tvö mörk fyrir Cincinnati, var að skora í fimmta leiknum í röð og er kominn með fimmtán mörkum á leiktíðinni, einu færri en Messi.

Þessi úrslit komu á sama tíma og fréttist af komu „lífvarðar“ Messi til Miami. Argentínski miðjumaðurinn Rodrigo De Paul er sagður vera að koma á láni til liðsins frá spænska félaginu Atlético Madrid.

De Paul á bara eitt ár eftir af samningi sínum við Atlético og gæti síðan samið við Inter þegar hann rennur út í júní eftir ár.

De Paul var í stóru hlutverki hjá Argentínumönnum þegar þeir urðu heimsmeistarar 2022 og unnu Suðurameríkukeppnina bæði 2021 og 2024.

De Paul er þekktur fyrir að passa vel upp á Messi í leikjum argentínska landsliðsins og þeir sem ætluðu að herja eitthvað á Messi gátu átt von á því að finna vel fyrir De Paul.