Liver­pool leggur nú­merið hans Jota á hilluna að ei­lífu

Jota lést í hörmulegu bílslysi á dögunum og hafa forráðamenn Liverpool stutt vel við bakið á fjölskyldu hans meðal annars með því að greiða fjölskyldunni full laun Jota út þann tíma sem hann var samningsbundinn liðinu eða til næstu tveggja ára. Samkvæmt reglum FIFA falla allar skuldbindingar félaga niður við leikmenn ef þeir látast.

Þetta er í fyrsta sinn sem Liverpool tekur númer úr notkun og raunar hafa aðeins þrettán leikmenn í sögu enska fótboltans verið heiðraðir á þennan táknræna hátt. Ákvörðun Liverpool nær til allra liða félagsins í öllum aldursflokkum.