Ey­þór hættur sem fram­kvæmda­stjóri Hopp

Eyþór hefur verið hjá Hopp ehf. frá stofnun þess árið 2019 en í dag sinnir félagið þjónustu 3.500 deilihlaupahjóla, 50 deilibíla og um 140 leigubílstjóra, ásamt því að selja út hugbúnaðar og rekstrarinnviðaþjónustu í meira en 70 borgum í 17 löndum.

„Núna leitum við okkur að nýjum framkvæmdastjóra,“ skrifar Eyþór og ráða má úr því að hann sé að stíga til hliðar.

„Sjálfur er ég ekki að fara langt, en mun halda áfram að drífa áfram vaxtaverki í félaginu, að þessu sinni með aukinni áherslu á deilibíla og leigubíla, stay tuned,“ bætir hann við.