Karó­lína Lea sögð skrifa undir hjá Inter á næstu dögum

Orri Rafn Sigurðarsson greindi fyrstur frá því að Karólína Lea væri á leið til Inter. Ítölsku íþróttafréttamennirnir Mauro Munno og Stefano Berardo greindu svo frá því í dag að samkomulag væri í höfn og Karólína myndi skrifa undir hjá Inter á næstu dögum.

Karólína er samningsbundinn Bayern Munchen til ársins 2026 en hefur verið síðustu tvö tímabil á láni hjá Bayer Leverkusen. Ítalska stórliðið þarf því að leggja fram fé og festa kaup ef það vill klófesta Karólínu.

Karólína er stödd þessa stundina í Sviss þar sem hún leikur á EM með íslenska landsliðinu. Líkt og Cecilía Rán Rúnarsdóttir, sem er einnig samningsbundinn Bayern Munchen en var á láni hjá Inter á síðasta tímabili og hefur verið sterklega orðuð við félagið til frambúðar.