Sex lið í skosku deildinni berjast nú um sæti sem gefa þátttökurétt í Evrópukeppnum á næsta ári. Í dag mættust lið Dundee í Aberdeen í hreinum úrslitaleik um sæti í Sambandsdeildinni og vann Dundee 2-1 sigur í spennandi leik.
Að leik loknum þustu ósáttir stuðningsmenn gestaliðsins inn á völlinn og réðu öryggisverðir ekkert við aðstæðurnar. Mitt í óreiðunni var stól kastað í markvörðinn Jack MacKenzie og fékk hann stólinn í höfuðið. Strax byrjaði að blæða og fékk MacKenzie aðhlynningur inni á vellinum.

„Þetta á ekki að geta gerst. Þetta er óásættanlegt,“ sagði hinn sænski Jimmy Thelin sem er knattspyrnustjóri Aberdeen.
Sauma þurfti til að loka sárinu á höfði MacKenzie.
„Það sem gerðist í dag er skammarlegt,“ bætti Thelin við.