Ronaldo sýndi ó­vænta ó­eigin­girni

Ronaldo sem dreymir um að verða sá fyrsti í sögunni til að skora þúsund mörk í opinberum leikjum er nú kominn upp í 925 mörk á ferlinum.

Hann er nú ekki þekktur fyrir að sýna mikla óeigingirni inn á vellinum en hann sýndi hana þó í gær.

Ronaldo fiskaði nefnilega víti á lokamínútum leiksins þegar skot hans var varið með hendi innan teigs.

Það bjuggust flestir við því að Ronaldo tæki vítið sjálfur og kæmist einu marki nær þúsund en hann leyfði samt liðsfélaga sínum Sadio Mané að taka vítið.

Mané hafði ekki skorað í langan tíma, eða í níu leikjum í röð, og þurfti því á marki að halda.

Hinn fertugi Ronaldo er nú kominn með sautján deildarmörk á tímabilinu en hann er markahæsti leikmaður deildarinnar með einu marki meira en Karim Benzama.