Liðin gerðu markalaust jafntefli og Venezia situr áfram í fallsæti, nú sex stigum frá öruggu sæti.
Venezia vann síðast leik 22. desember á síðasta ári og hefur nú spilað níu deildarleiki í röð án sigurs. Það jákvæða var að liðið náði í stig eftir þrjú töp í röð.
Mikael Egill fékk gult spjald á 78. mínútu en hann spilaði allar níutíu mínúturnar.
Mikael átti eitt skot í leiknum og kom 31 sinni við boltann. Hann vann fjórar af sjö tæklingum sínum og eina skallaeinvígið. 11 af 17 sendingum hans (65%) heppnuðust.
Bjarki Steinn Bjarkason sat allan tímann á bekknum.
