Fótbolti

Leiðar­lok hjá Gerrard og Al Ettifaq

Ingvi Þór Sæmundsson skrifar
Steven Gerrard er á förum frá Al Ettifaq.
Steven Gerrard er á förum frá Al Ettifaq. getty/Yasser Bakhsh

Steven Gerrard mun hætta sem knattspyrnustjóri Al Ettifq í Sádi-Arabíu. Hann hefur stýrt liðinu frá sumrinu 2023.

Félagaskiptavéfréttin Fabrizio Romano greinir frá því að leiðir muni skilja hjá Gerrard og Al-Ettifaq.

Gerrard skilur við Al Ettifaq í 12. sæti sádi-arabísku úrvalsdeildarinnar. Á síðasta tímabili endaði liðið í 6. sæti af átján liðum.

Hinn 44 ára Gerrard náði góðum árangri með Rangers en illa hefur gengið í síðustu tveimur störfum hans, hjá Aston Villa og Al Ettifaq.

Gerrard hefur stýrt Al Ettifaq í 59 leikjum; 23 þeirra hafa unnist, sextán endað með jafntefli og tuttugu tapast.

Sádi­arab­ísk­i boltinn

Mest lesið


Fleiri fréttir

Sjá meira


×

Mest lesið