Sverrir og fé­lagar að blanda sér í topp­bar­áttuna

Allt stefndi í markalaust jafntefli en á fjórðu mínútu uppbótartíma tók Alexander Jeremejeff sig til og skoraði sigurmarkið.

Panathinaikos hefndi þar fyrir tapið gegn Asteras í fyrstu umferð deildarinnar og hefur nú unnið sex af síðustu sjö leikjum.

Á rétt rúmum mánuði hefur liðið lyft sér upp úr áttunda sæti í fjórða sætið og er nú aðeins fjórum stigum frá toppliði Olympiacos. Þeirra á milli eru AEK og PAOK, stigi ofar en Panathinaikos.

Sverrir lék allan leikinn en Panathinaikos saknar enn Harðar Björgvins Magnússonar sem hefur verið lengi frá keppni vegna meiðsla og mun ekki snúa aftur á grasið fyrr en næsta vor í fyrsta lagi.