Utan vallar: Þegar góðu gæjarnir koma fyrstir í mark Ingvi Þór Sæmundsson skrifar 28. maí 2024 11:00 Óskar Bjarni Óskarsson stýrði Val til sigurs í EHF-bikarnum um helgina. vísir/diego Stundum er sagt að góðu gaurarnir komi síðastir í mark. Það á þó ekki alltaf við eins og sannaðist þegar Valur vann EHF-bikarinn á laugardaginn. Valsmenn fóru lengri leiðina að því að verða fyrsta íslenska liðið til að vinna Evrópukeppni. Þeir þurftu að spila fjórtán leiki, selja klósettpappír og rækjur til að fjármagna sjö utanlandsferðir og tryggðu sér svo titilinn með sigri á Olympiacos í vítakastkeppni í óvinveittum aðstæðum í Friðar- og vináttuhöllinni í Aþenu. Vítaskyttur Vals sýndu mikið öryggi fyrir framan tólf þúsund manns, kláruðu sitt og Hlíðarendapiltar fögnuðu svo vel eftir að Savvas Savvas, besti leikmaður einvígisins, skaut í slá úr lokavíti Grikkjanna. Hetjur Vals á laugardaginn voru margar. Magnús Óli Magnússon skoraði markið sem tryggði Valsmönnum vítakeppnina, Ísak Gústafsson átti sinn besta leik í búningi Vals, Benedikt Gunnar Óskarsson sýndi á köflum hvurs lags handboltavirtúós hann er, silfur- og bronsmennirnir Björgvin Páll Gústavsson og Alexander Petersson voru ómetanlegir og svo mætti áfram telja. En þetta var sigur heildarinnar og þetta var sigurinn hans Óskars Bjarna Óskarssonar, þjálfara Vals, eins af góðu gaurunum í íslenskum íþróttum. Og eins af okkar færustu handboltaþjálfurum. Óskar Bjarni var að klára sitt 25. tímabil í meistaraflokksþjálfun og hann hefur líklega aldrei boðið upp á jafn góða stjórnun á liði og hóp og í vetur. Þegar Óskar Bjarni tók við Val í enn eitt skiptið síðasta sumar grunaði eflaust fáa að fram undan væri eitt eftirminnilegasta tímabil í glæsilegri handboltasögu félagsins. Eftir mikla velgengni undir stjórn Snorra Steins Guðjónssonar og eftirtektarverðan árangur í Evrópudeildinni virtist tankur Valsmanna einfaldlega vera tómur undir lok síðasta tímabils. Valsmenn spiluðu fjórtán leiki í EHF-bikarnum í vetur auk þess að komast í bikarúrslit og undanúrslit Íslandsmótsins.vísir/diego En með góðu fríi og góðum viðbótum var Valsvélin ræst á ný. Og hún mallaði vel þegar hún var komin í gang. Valur vann bikarinn, komst í undanúrslit Olís-deildarinnar og setti svo kirsuberið ofan á kökuna með því að vinna EHF-bikarinn. Það er auðvelt að samgleðjast með Val. Og flestir, sama hvaða lið þeir styðja, samglöddust eflaust með Óskari Bjarna. Það er nefnilega líklegra að finna nál í heystakki en einhvern sem ber illan hug til þessa mikla Valsmanns. Eftir áratug í bransanum hefur undirritaður ekki enn heyrt nokkurn hallmæla Óskari Bjarna, sama úr hvaða íþrótt og hvaða félagi viðkomandi kemur. Síðan er þetta svo dásamlega venjulegur náungi. Ef hann væri ekki að þjálfa Val væri hann uppi í stúku með stuðningsmannasveitinni eða úti á gólfi á bónvélinni. Allt fyrir Val. Leikmenn Vals fagna sigrinum á Olympiacos á heimavelli um þarsíðustu helgi.vísir/diego En Óskar Bjarni er ekki bara gúddí gæi og það eitt og sér kemur þér ekkert rosalega langt í íþróttum. Hann er líka einstaklega fær þjálfari, frábær að nýta breiddina og virkja alla í hópnum sem hann hefur til umráða. Óskar Bjarni kveikti til að mynda aftur á Agnari Smára Jónssyni, vakti Aron Dag Pálsson til lífsins, treysti Andra Finnssyni og Úlfari Páli Monsa Þórðarsyni fyrir stórum hlutverkum og svo mætti áfram telja. Hann spilaði einfaldlega hárrétt á alla strengi og útkoman var glæsileg. Óskar Bjarni var einn af bestu sonum Vals fyrir leikinn á laugardaginn, enda búinn að vinna fjölda stórra titla með liðinu, búa til ógrynni afreks- og félagsmanna og bara vera Valsari af lífi og sál. En núna er hann búinn að skrifa sig í sögubækur Vals, félagsins síns, og það með gylltu letri. Utan vallar Valur EHF-bikarinn Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Víkingar spila á Íslandi í dagsbirtu Fótbolti „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Sjáðu ótrúlega vörslu Raya og öll mörkin úr Meistaradeildinni Fótbolti Viðurkennir að hafa sleppt því að spjalda Messi til að fá treyjuna hans Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn Fleiri fréttir Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Sjá meira
Valsmenn fóru lengri leiðina að því að verða fyrsta íslenska liðið til að vinna Evrópukeppni. Þeir þurftu að spila fjórtán leiki, selja klósettpappír og rækjur til að fjármagna sjö utanlandsferðir og tryggðu sér svo titilinn með sigri á Olympiacos í vítakastkeppni í óvinveittum aðstæðum í Friðar- og vináttuhöllinni í Aþenu. Vítaskyttur Vals sýndu mikið öryggi fyrir framan tólf þúsund manns, kláruðu sitt og Hlíðarendapiltar fögnuðu svo vel eftir að Savvas Savvas, besti leikmaður einvígisins, skaut í slá úr lokavíti Grikkjanna. Hetjur Vals á laugardaginn voru margar. Magnús Óli Magnússon skoraði markið sem tryggði Valsmönnum vítakeppnina, Ísak Gústafsson átti sinn besta leik í búningi Vals, Benedikt Gunnar Óskarsson sýndi á köflum hvurs lags handboltavirtúós hann er, silfur- og bronsmennirnir Björgvin Páll Gústavsson og Alexander Petersson voru ómetanlegir og svo mætti áfram telja. En þetta var sigur heildarinnar og þetta var sigurinn hans Óskars Bjarna Óskarssonar, þjálfara Vals, eins af góðu gaurunum í íslenskum íþróttum. Og eins af okkar færustu handboltaþjálfurum. Óskar Bjarni var að klára sitt 25. tímabil í meistaraflokksþjálfun og hann hefur líklega aldrei boðið upp á jafn góða stjórnun á liði og hóp og í vetur. Þegar Óskar Bjarni tók við Val í enn eitt skiptið síðasta sumar grunaði eflaust fáa að fram undan væri eitt eftirminnilegasta tímabil í glæsilegri handboltasögu félagsins. Eftir mikla velgengni undir stjórn Snorra Steins Guðjónssonar og eftirtektarverðan árangur í Evrópudeildinni virtist tankur Valsmanna einfaldlega vera tómur undir lok síðasta tímabils. Valsmenn spiluðu fjórtán leiki í EHF-bikarnum í vetur auk þess að komast í bikarúrslit og undanúrslit Íslandsmótsins.vísir/diego En með góðu fríi og góðum viðbótum var Valsvélin ræst á ný. Og hún mallaði vel þegar hún var komin í gang. Valur vann bikarinn, komst í undanúrslit Olís-deildarinnar og setti svo kirsuberið ofan á kökuna með því að vinna EHF-bikarinn. Það er auðvelt að samgleðjast með Val. Og flestir, sama hvaða lið þeir styðja, samglöddust eflaust með Óskari Bjarna. Það er nefnilega líklegra að finna nál í heystakki en einhvern sem ber illan hug til þessa mikla Valsmanns. Eftir áratug í bransanum hefur undirritaður ekki enn heyrt nokkurn hallmæla Óskari Bjarna, sama úr hvaða íþrótt og hvaða félagi viðkomandi kemur. Síðan er þetta svo dásamlega venjulegur náungi. Ef hann væri ekki að þjálfa Val væri hann uppi í stúku með stuðningsmannasveitinni eða úti á gólfi á bónvélinni. Allt fyrir Val. Leikmenn Vals fagna sigrinum á Olympiacos á heimavelli um þarsíðustu helgi.vísir/diego En Óskar Bjarni er ekki bara gúddí gæi og það eitt og sér kemur þér ekkert rosalega langt í íþróttum. Hann er líka einstaklega fær þjálfari, frábær að nýta breiddina og virkja alla í hópnum sem hann hefur til umráða. Óskar Bjarni kveikti til að mynda aftur á Agnari Smára Jónssyni, vakti Aron Dag Pálsson til lífsins, treysti Andra Finnssyni og Úlfari Páli Monsa Þórðarsyni fyrir stórum hlutverkum og svo mætti áfram telja. Hann spilaði einfaldlega hárrétt á alla strengi og útkoman var glæsileg. Óskar Bjarni var einn af bestu sonum Vals fyrir leikinn á laugardaginn, enda búinn að vinna fjölda stórra titla með liðinu, búa til ógrynni afreks- og félagsmanna og bara vera Valsari af lífi og sál. En núna er hann búinn að skrifa sig í sögubækur Vals, félagsins síns, og það með gylltu letri.
Utan vallar Valur EHF-bikarinn Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Víkingar spila á Íslandi í dagsbirtu Fótbolti „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Sjáðu ótrúlega vörslu Raya og öll mörkin úr Meistaradeildinni Fótbolti Viðurkennir að hafa sleppt því að spjalda Messi til að fá treyjuna hans Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn Fleiri fréttir Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Sjá meira