Kellyn Acosta skoraði sigurmark leiksins af eigin vallarhelmingi á níundu mínútu uppbótartíma. Vindurinn greip örvæntingafulla sendingu hans upp völlinn og skilaði í net andstæðinganna.
THAT'S WHY THEY CALL IT THE WINDY CITY
— Major League Soccer (@MLS) March 16, 2024
Stoppage-time scenes in Chicago! 🤯 pic.twitter.com/8vZQppXIHL
Þetta ótrúlega mark tryggði Chicago Fire sinn fyrsta deildarsigur á tímabilinu og fullkomnaði frábæra endurkomu. Þegar sex mínútur voru eftir af leiknum var CF Montreal 3-1 yfir en liðið missti mann af velli, mörk frá Brian Gutierrez, Hugo Cuypers og að lokum glæsimark Acosta tryggðu Chicago Fire svo sigurinn.
Endurkoma Chicago Fire var söguleg því ekkert lið í MLS deildinni hefur nokkurn tímann unnið leik eftir að hafa verið tveimur mörkum undir eftir 84+ mínútur.
