Fékk spark í bringuna en skoraði svo sigur­markið

Miðbaugs-Gínea missti mann af velli snemma í seinni hálfleik þegar Federico Bikoro sparkaði í bringu Mohamed Bayo og fékk að líta beint rautt spjald. 

Þeir fengu þó tækifæri til að taka forystuna skömmu síðar þegar vítaspyrna var dæmd þeim í vil, en skot fyrirliðans Emilio Nsue geigaði. 

Það var svo Mohamed Bayo sjálfur sem varð hetja Gíneumanna þegar hann skoraði sigurmarkið með skalla á 98. mínútu leiksins. 

Gínea mætir annað hvort Egyptalandi eða Vestur-Kongó í 8-liða úrslitum næsta föstudag. Leikur Egyptalands og V-Kongó hefst klukkan 20:00.