Íslenski boltinn

Hanna frá Val í FH

Óskar Ófeigur Jónsson skrifar
Hanna Kallmaier er nýr leikmaður FH.
Hanna Kallmaier er nýr leikmaður FH. FH

FH-ingar hafa styrkt sig fyrir komandi tímabil í Bestu deild kvenna en Hanna Kallmaier hefur gert tveggja ára samning við Fimleikafélagið.

Hanna er 29 ára Þjóðverji sem spilaði með Val í fyrrasumar en kom hingað fyrst til ÍBV fyrir 2020 tímabilið.

Hanna var í byrjunarliði Vals í fyrstu fjórum umferðunum í fyrra eða þangað til hún sleit krossband í leik á móti Stjörnunni. Hún spilaði skiljanlega ekki meira á leiktíðinni.

Hanna hefur spilað 54 leiki í efstu deild á Íslandi fyrir Val og ÍBV og er með 4 mörk og 4 stoðsendingar í þeim.

Hún lék með Kvarnsveden í Svíþjóð áður en hún kom til Íslands og spilaði þar áður í Kansas háskólanum.

Besta deild kvenna FH Valur

Mest lesið


Fleiri fréttir

Sjá meira


×

Mest lesið