Jafn­tefli í Ís­lendinga­slag í Grikk­landi

Fyrir leikinn í dag voru liðin á sitthvorum endanum í töflunni. OFI Crete í baráttu í efri hlutanum og í þriðja sæti en Atromitos í þrettánda og næst neðsta sæti deildarinnar.

Samúel Kári var í byrjunarliði Atromitos sem lenti 1-0 undir á 33. mínútu. Þannig var staðan í hálfleik en Guðmundur Þórarinsson kom inn í liði OFI Crete þegar um tíu mínútur voru eftir.

Þegar fjórar mínútur voru eftir af venjulegum leiktíma jafnaði Denzel Jubitana metin fyrir gestina og niðurstaðan 1-1 jafntefli.

Samúel Kári hefur átt fast sæti í liði Atromitos á tímabilinu en þetta var í fyrsta sinn sem Guðmundur er ekki í byrjunarliði OFI Crete.