Sjáðu þrumu­fleyg Höskulds í Sam­bands­deildinni

Eina mark leiksins skoraði fyrirliði Breiðabliks, Höskuldur Gunnlaugsson, á 35.mínútu en um var að ræða glæsilegt mark þar sem að magnað einstaklingsframtak Höskuldar gaf ríkulega af sér. 

Liðin mætast í seinni viðureign sinni eftir rétt tæpa viku á Kópavogsvelli. Sigurvegarinn úr einvígi liðanna mun tryggja sér sæti í riðlakeppni Sambandsdeildar Evrópu. 

Blikar því einu skrefi frá því að verða fyrsta íslenska félagsliðið í karlaflokki til þess að tryggja sér sæti í riðlakeppni í Evrópukeppni.

Óskar Hrafn Þorvaldsson, þjálfari Breiðabliks, var stoltur af sínum mönnum eftir leik. Hann metur úrslitin sem mjög gott veganesti inn í seinni leik liðanna.