Fótbolti

Mahrez á skotskónum í sigri Al-Ahli

Smári Jökull Jónsson skrifar
Riyad Mahrez er búinn að leika tvo leiki fyrir Al-Ahli í sádiarabísku deildinni.
Riyad Mahrez er búinn að leika tvo leiki fyrir Al-Ahli í sádiarabísku deildinni. Vísir/Getty

Riyad Mahrez skoraði annað marka Al-Ahli sem vann 2-1 sigur á Kahleej Club í sádiarabísku deildinni í kvöld. Þetta er annar sigur Al-Ahli í jafnmörgum leikjum í upphafi deildarinnar.

Al-Ahli byrjaði tímabilið af krafti og vann 3-0 sigur á Al Hazem FC í fyrstu umferðinni. Roberto Firmino skoraði þá öll mörk liðsins en hann var ekki í leikmannahópi Al-Ahli í kvöld.

Riyad Mahrez var hins vegar í byrjunarliðinu og hann skoraði annað marka liðsins í 2-1 sigrinum í kvöld. Roger Ibanez kom Al-Ahli í 1-0 á 9. mínútu áður en Mahrez bætti öðru marki við skömmu fyrir lok fyrri hálfleiks.

Mansour Hamzi minnkaði muninn í síðari hálfleik fyrir Kahleej Club en lokatölur 2-1 fyrir Al-Ahli.

Al-Ahli hefur verið duglegt að sækja sér liðsstyrk fyrir tímabilið. Fyrir utan áðurnefnda Firmino. Mahrez og Ibanez eru þeir Edouard Mendy, Franck Kessie og Allan Saint-Maximin einnig í leikmannahópi liðsins.

Sádi­arab­ísk­i boltinn

Mest lesið


Fleiri fréttir

Sjá meira


×

Mest lesið