Breiðablik var einnig orðað við Edmundsson en hann endaði í KA. Hallgrímur Jónasson, þjálfari KA, þekkir vel til Edmundssons en þeir léku saman hjá OB í Danmörku.
Bjóðum Jóan Símun Edmundsson hjartanlega velkominn í KA! #LifiFyrirKA https://t.co/j52J5Kfzj0 pic.twitter.com/TzbolEHxo3
— KA (@KAakureyri) July 25, 2023
Edmundsson, sem verður 32 ára á morgun, er uppalinn hjá B68 Tóftum í Færeyjum en gekk í raðir Newcastle United 2010. Hann lék þó aldrei með aðalliði félagsins. Edmundsson hefur einnig leikið með Gateshead á Englandi, Viking í Noregi, Fredericia, AB, Vejle og OB í Danmörku, B68 Tóftum og HB í heimalandinu, Arminia Bielefeld í Þýskalandi og Beveren í Belgíu.
Edmundsson hefur leikið 79 leiki fyrir færeyska landsliðið og skorað átta mörk.
KA mætir Dundalk í fyrri leik liðanna í forkeppni Sambandsdeildar Evrópu á Framvellinum á fimmtudaginn.
KA er í 6. sæti Bestu deildarinnar og komið í úrslit Mjólkurbikarsins þar sem liðið mætir annað hvort KR eða Víkingi.
Hjá KA hittir Edmundsson fyrir landa sinn, Pæt Joensson Petersen. Hann hefur leikið þrettán leiki í Bestu deildinni í sumar og skorað eitt mark.
