Ronaldo kominn með nýjan þjálfara

Sá heitir Luís Castro og er portúgalskur eins og Ronaldo. Hann hefur komið víða við á þjálfaraferlinum og þjálfað í heimalandinu, Úkraínu, Katar og Brasilíu þar sem hann var síðast hjá Botafogo.

Rudi Garcia var rekinn frá Al-Nassr áður en síðasta tímabili lauk. Al-Nassr endaði í 2. sæti sádiarabísku úrvalsdeildarinnar.

Al-Nassr ætlar sér stærri hluti á næsta tímabili og hefur samið við króatíska landsliðsmanninn Marcelo Brozovic sem var síðast hjá Inter.

Ronaldo gekk í raðir Al-Nassr um áramótin. Hann hefur skorað fjórtán mörk í sextán deildarleikjum fyrir liðið.