Íslenski boltinn

Steinþór kærður af KSÍ fyrir að veðja á leiki

Ingvi Þór Sæmundsson skrifar
Steinþór Freyr Þorsteinsson hefur leikið með KA síðan 2017.
Steinþór Freyr Þorsteinsson hefur leikið með KA síðan 2017. vísir/bára

Aga- og úrskurðarnefnd KSÍ hefur kært Steinþór Frey Þorsteinsson, leikmann KA í Bestu deild karla í fótbolta, fyrir brot á veðmálareglum.

Frá þessu er greint á 433.is í morgun. Þar segir að Steinþór hafi veðjað á leiki á vegum KSÍ, meðal annars hjá KA, hjá veðmálasíðunni Pinaccle. Í fréttinni segir að veðmálið á leikinn með KA hafi verið hluti af sex leikja seðli en ekki stakt.

Samkvæmt frétt 433.is hefur Steinþór að mestu gengist við brotum sínum. Úrskurðað verður í málinu á næstu dögum. Steinþór hefur látið KA vita af því.

Steinþór hefur ekki leikið með KA í Bestu deildinni í sumar og ekki verið í leikmannahópi liðsins í síðustu leikjum þess.

Hinn 37 ára Steinþór gekk í raðir KA 2017 eftir nokkurra ára dvöl í atvinnumennsku erlendis. Hann er uppalinn hjá Breiðabliki en sló í gegn hjá Stjörnunni. Steinþór hefur leikið átta A-landsleiki.

Í vetur var Sigurður Gísli Bond Snorrason dæmdur í bann út þetta tímabil fyrir brot á veðmálareglum. Hann veðjaði á mörg hundruð leiki, meðal annars sína eigin.

Besta deild karla KA Fjárhættuspil

Tengdar fréttir

Utan vallar: Krabbameinið boðið velkomið

Hið mikla fordæmi sem aga- og úrskurðarnefnd KSÍ setti með einstökum dómi yfir Sigurði Gísla Bond Snorrasyni vegna veðmála sendir alls ekki nógu afgerandi skilaboð um að knattspyrnufólk eigi aldrei að veðja á eigin leiki.

Mest lesið


Fleiri fréttir

Sjá meira


×

Mest lesið