City varð enskur meistari þriðja árið í röð þegar Nottingham Forest sigraði Arsenal, 1-0, á laugardaginn. City-menn lyftu svo Englandsmeistarabikarnum eftir 1-0 sigur á Chelsea í gær.
Eftir leikinn fóru leikmenn City og makar á skemmtistað í Manchester þar sem þau fögnuðu fram á rauða nótt.
Haaland og kærasta hans, Isabel Johansen, mættu í fögnuðinn klædd silkináttfötum, ljósbláum að sjálfsögðu.
Haaland átti risastóran þátt í að City varð Englandsmeistari en hann hefur skorað 36 mörk í ensku úrvalsdeildinni. Enginn hefur skorað meira í deildinni síðan hún var sett á laggirnar 1992.
