Framtíð netverslunar í Hörpu

Þar verða fluttir tíu fróðlegir og fjölbreyttir fyrirlestrar af fulltrúum íslenskra fyrirtækja sem koma að netverslun úr ólíkum áttum en eiga þó sameiginlegt að vera framarlega á sínu sviði.

Skipuleggjandi ráðstefnunnar er Hjörvar Hermannsson en hann hefur starfað í kringum netverslunargeirann undanfarin ár og þekkir þennan markað því afar vel.

„Á þessari ráðstefnu reynum við að snerta á sem flestum þáttum sem tengjast netverslun. Það eru yfir þúsund fyrirtæki á Íslandi sem selja vörur sínar og þjónustu í gegnum vefinn og svo öll þjónustan og vöruframboðið tengt því. Þetta mengi er því talsvert stórt.”

Mikill vöxtur hefur átt sér stað

Hann segir sífellt fleiri fyrirtæki hérlendis leggja aukna áherslu á netverslun auk þess sem neytendur séu komnir með góða reynslu af henni og átta sig betur á þægindum hennar.

„Það er mjög margt í gangi og fyrirtæki eru almennt farin að hafa mun meiri trú á netverslun en áður. Neytendur eru líka farnir að sjá einfaldleikann í því að nýta sér þær lausnir. Fyrir ekki svo löngu síðan höfðu margir ekki trú á því að tryggingar eða bílar yrðu seldir í netverslun. Í dag er Tesla að reka öfluga netverslun og TM hlaut nýlega íslensku vefverðlaunin fyrir söluvef ársins. Það eru því breyttir tímar.“

Hjörvar skipulagði ráðstefnuna upphaflega rétt fyrir Covid og þá hafði hann hugsað sér að flytja inn erlenda fyrirlesara í bland við þá sem starfa hér á landi. „Í Covid faraldrinum átti ég mörg samtöl við fagfólk í geiranum hér heima og sá þá fljótlega að óþarfi væri að flytja inn þekkingu þegar við eigum nóg af henni hér á landi. Það er rosalega mikið af flottu fólki og fyrirtækjum sem starfa í þessum geira og við megum vera stolt af þeim.“

Mikill áhugi til staðar

Hann segir mikinn áhuga hafa ríkt hjá fyrirtækjum að taka þátt í ráðstefnunni og önnur fyrirtæki séu að senda sitt fólk á hana, ekki bara starfsfólk markaðs- og vefdeilda heldur séu margir almennt áhugasamir um að hlusta á stefnu og strauma á þessum markaði. „Það er augljóst að það eru mikil gæði til staðar og rosalega mikið af flottu fólki sem starfar við ýmislegt tengt netverslun hér á landi.

Ráðstefnugjald er 28.900 kr. og er hægt að kaupa miðar hér.

Hægt er að kynna sér fyrirlesara og smá fróðleik um hvern fyrirlestur hér. 

Innifalið í verðinu er kaffi og te yfir daginn ásamt hádegisverði í Hörpu. Boðið verður upp á sítrónu maríneraðan kjúkling með tómötum og mozzarella osti. Einnig verður boðið upp á vegan rétt sem er engifergljáðar oumph bollur með pastasalati, ristuðu grænmeti og kryddjurtasósu.

Kynnir ráðstefnunnar er Brynja Dan.