Klopp kærður af enska knatts­spyrnu­sam­bandinu fyrir um­mælin um Tier­n­ey

Klopp var allt annað en sáttur við dómarann eftir dramatískan sigur Liverpool á sunnudaginn og sagðist hann vera viss um að Tierney hefði eitthvað á móti Liverpool. Þetta er ekki í fyrsta sinn sem Klopp gagnrýnir Tierney, en þjálfarinn sagði svipaða hluti um dómarann eftir 2-2 jafntefli liðsins gegn Tottenham fyrir tæpum tveimur árum.

Enska knattspyrnusambandið hefur nú ákveðið að kæra Klopp fyrir ummæli sín og er honum gefið að sök að hafa vegið að heiðri Tierney sem dómara.

Þjálfarinn hefur nú fram á föstudag til að áfrýja kærunni.

Á blaðamannafundi í dag sagðist Klopp sjá eftir ummælum sínum. Hann sagðist þó ekki telja sig hafa farið með rangt mál, en viðurkennir að hann hefði betur látið ýmislegt ósagt.