Tork gaur: Kraft­mikill fjöl­skyldu­jepp­lingur

James Einar Becker er stjórnandi þáttanna, Tork gaurinn sjálfur. Munurinn á Porsche Cayenne Coupe og venjulegum Porsche Cayenne er helst að hann er mun sportlegri. Minna pláss er í skottinu en bíllinn sjálfur er kraftmeiri. 

Hægt er að sjá þáttinn í spilaranum hér fyrir neðan, en sjá má fyrri þætti hér.

„Bíllinn er aðeins mýkri og það er meiri tilfinning í honum þegar þú ert að keyra hann. Þó svo að þú sitjir hátt uppi í þessum bíl og horfir yfir þá er ekki eins og maður vaggi um eins og á trukki. Hann er nógu stífur til að hægt sé að hafa gaman þegar það er verið að keyra,“ segir James um bílinn. 

James segir Porsche þekkja sína viðskiptavini mjög vel. Til að mynda er stærsti mælirinn í mælaborðinu ekki hraðamælirinn, heldur snúningsmælirinn. Það sé það sem eigendur bílanna vilja sjá.