Komst að kyni barnsins síns á fótboltavellinum

Matt Turner er 28 ára gamall og varamarkvörður enska úrvalsdeildarfélagsins Arsenal. Hann fær ekki mikið að spila hjá Arsenal en hefur spilað 25 landsleiki undanfarin þrjú ár.

Eiginkona hans er Ashley Herron og eiga þau strák saman sem er fæddur í júní í fyrra.

Turner og kona hans eiga nú von á öðru barni og eftir 1-0 sigur á El Salvador þá sprengdi markvörðurinn bolta til að komast að því hvort þetta væri stelpa eða strákur.

Liðsfélagarnir voru með honum í þessu sem og stuðningsmennirnir sem fögnuðu vel.

Hér fyrir neðan má sjá hvort kynið það verður.