Zlatan sneri aftur þegar AC Milan vann sannfærandi sigur á Atalanta

Þrjú stig skildu liðin að í 4. og 6.sæti deildarinnar þegar kom að leik kvöldsins og hefði Atalanta með sigri jafnað AC Milan að stigum. 

Heimamenn komust yfir eftir tæplega hálftíma leik með marki  sem verður skráð sem sjálfsmark á Juan Musso, markvörð Atalanta en Theo Hernandez átti hörkuskot sem hafnaði í stönginni og fór þaðan í bakið á Musso og inn.

Hinn 41 árs gamli Zlatan Ibrahimovic kom inn af varamannabekk AC Milan í síðari hálfleik og lék sínar fyrstu mínútur á tímabilinu eftir hnéaðgerð sem hann gekkst undir síðastliðið haust.

Hann hjálpaði liðinu að gulltryggja sigurinn en Junior Messias gerði annað mark Milan á 86.mínútu og öruggur 2-0 sigur AC Milan staðreynd.