Handbolti

„Ætla ekki í framboð gegn Guðna“

Henry Birgir Gunnarsson skrifar
Björgvin og forsetinn á góðri stundu fyrir jól með bókina hans Björgvins sem sló í gegn.
Björgvin og forsetinn á góðri stundu fyrir jól með bókina hans Björgvins sem sló í gegn. mynd/instagram.com/bjoggi

Yfirlýsingar landsliðsmarkvarðarins Björgvins Páls Gústavssonar um að hann vilji verða forseti Íslands hafa eðli málsins samkvæmt vakið mikla athygli.

„Bókin mín segir allt sem segja þarf,“ segir Björgvin Páll sem gaf út bókina „Barn verður forseti“ fyrir síðustu jól.

„Maður má alltaf láta sig dreyma. Snýst um að setja markið hátt. Þetta er eitthvað sem mér finnst gaman að velta upp og pæla í. Ég gerði það fyrst þegar ég var krakki. Tíminn verður að leiða í ljós hvað gerist í framtíðinni.“

Klippa: Björgvin Páll um mögulegt forsetaframboð

Markvörðurinn hefur ekki borið þessar vangaveltur undir sitjandi forseta, Guðna Th. Jóhannesson.

„Ég mun ekki fara í framboð gegn Guðna. Ég get lofað því,“ sagði Björgvin og glotti í kampinn.

HM 2023 í handbolta Landslið karla í handbolta Forseti Íslands

Mest lesið


Fleiri fréttir

Sjá meira


×

Mest lesið