Í fréttatilkynningu segir meðal annars:
„Á sýningunni er áhorfandinn tekinn inn í óræðan heim þar sem samspil og samruni mjúkra forma, lita og litbrigða ráða ríkjum. Verkin fagna nýju lífi, þoku, snertingu, jörð og líkama, en Kristín vann verkin út frá minni tilfinninga fyrir og eftir fæðingu.“
Í verkum Kristínar birtast fyrirbæri sem er líst sem einhvers konar líkamlegum verum með sín eigin lögmál og fyrirheit.
„Þau teygja sig og beygja, grípa, fljóta um og eigast við. Tveir pólar mætast og sameinast í eina rás á meðan tíminn stendur í stað. Við sjáum augnablik umbreytinga frá fortíð til framtíðar. Það sem einu sinni var er nú annað, það sem er í dag var ekki hér áður.“
Sýningin stendur til 6. desember næstkomandi. Hér má sjá nokkrar myndir af sýningunni:
