Reynir að gefa stráknum sínum upplifun sem hún fékk aldrei sjálf

Fyrir tveimur vikum þurfti hún að skilja hann eftir á Íslandi og það er ekki oft sem þau hafa verið svona lengi í burtu frá hvoru öðru.

Það var því stór stund eftir leik þegar mæðginin hittust á ný. Hvernig var þetta fyrir hana sjálfa?

„Ótrúlega gaman og gaman að geta gefið honum það tækifæri. Mig dreymdi um það þegar ég var lítil að vera boltasækir eða leiða inn á völlinn. Ég fékk það aldrei og það er gaman að geta gefið honum stærri upplifanir sem var eitthvað sem mig dreymdi um sem barn,“ sagði Dagný.

„Þau komu upp á hótel í smástund fyrir leik en ég var ekki búinn að hitta hann í tvær vikur. Það var ótrúlega gaman að ná nokkrum mínútum með honum inn á,“ sagði Dagný.

Dagný fékk líka að eyða meiri tíma með Brynjari og fjölskyldu sinni á þriðjudaginn sem var frídagur hjá stelpunum okkar.

Hér fyrir neðan eru nokkrar myndir Vilhelms Gunnarssonar af mæðginunum saman.