Í ferðinni heimsótti ljósmyndarinn lítið þorp og myndaði þar meðal annars konu á tíræðisaldri sem hann sá úti í glugga. Hann segir frá ljósmyndunum í nýjasta þættinum af RAX Augnablik.
„Maður sér alveg á andlitinu að hún hefur lifað sínu lífi og upplifað margt.“
Konan kom svo út úr húsinu ásamt eiginmanninum sínum og heilluðu þau RAX upp úr skónum.
„Það var svo gaman að sjá þessa gleði í augunum þó hún gæti varla opnað annað augað.“
Frásögnina má heyra í heild sinni í spilaranum hér fyrir neðan. Þar talar ljósmyndarinn meðal annars um þá gagnrýni að hann hafi ekki myndað nógu margar konur á Grænlandi.
Í þáttunum RAX Augnablik segir ljósmyndarinn Ragnar Axelsson sögurnar á bak við margar af sínum þekktustu myndum. Ragnar hefur starfað á vettvangi í meira en fjörutíu ár og eru sögurnar hans ævintýralegar. Nýr þáttur kemur út á hverjum sunnudegi hér á Vísi og á Stöð 2+.
Hægt er að sjá alla þættina hér á Vísi.
