Silungur á næsta Fræðslukvöldi SVFR

Fræðslukvöldin fara fram á þeim rómaða stað Ölver í Glæsibæ. Hvert kvöld er með ákveðnu þema og að þessu sinni er það silungsveiðin sem verður í aðalhlutverki. Til að fræða veiðimenn að þessu sinni verða Örn Hjálmarsson, Karl Eiríksson ásamt Caddis bræðrunum Hrafni og Óla. Þarna eru fræknir veiðimenn með mikla reynslu sem ætla að fræða okkur um hinar ýmsu hliðar silungsveiðinnar.

Á kvöldinu verður eins og venjan er glæsilegt happdrætti og verða vinningar frá Flugubúllunni, Veiðihorninu, Vesturröst, Veiðivon, Veiðifélaginu, Veiðiportinu, Haugur Workshop og Veiðiflugum á hlaðborði vinninga. Auk þess eru vinningar frá SVFR og Veiðikortinu. Dagskrá hefst kl: 20:00 en það er tilvalið að mæta snemma og fá sér mat og drykk á sportbarnum áður en formleg dagskrá hefst