Búrkína Fasó hleypti lífi í A-riðil

Eina mark leiksins var skorað á 39. mínútu, en þar var á ferðinni Boureima Bande eftir stoðsendingu frá Issa Kabore.

Búrkína Fasó og Grænhöfðaeyjar eru nú bæði með þrjú stig í öðru og þriðja sæti A-riðils þegar aðeins ein umferð er eftir. Búrkína Fasó mætir Eþíópíu sem er án stiga og á ekki möguleika á að komast áfram, á meðan að Grænhöfðaeyjar mæta heimamönnum í Kamerún sem hefur nú þegar tryggt sér sæti í 16-liða úrslitum.

Þó gæti það farið þannig að bæði lið fari áfram, en besti árangur í þriðja sæti gefur laust sæti í 16-liða úrslitum.