Skoska landsliðskonan Kim Little hefur byrjað tímabilið af miklum krafti og hún kom Arsenal í forystu seint í fyrri hálfleik og sá til þess að Arsenal hefði eins marks forystu í leikhléi.
Little var aftur á ferðinni á 52.mínútu og tvöfaldaði forystu heimakvenna. Beth Mead gerði svo endanlega út um leikinn með þriðja marki Arsenal eftir klukkutíma leik og skömmu síðar var Dagný skipt útaf í liði West Ham.
Arsenal bætti við einu marki áður en yfir lauk og lokatölur því 4-0 fyrir Arsenal sem trónir á toppi deildarinnar með fullt hús stiga eftir sex leiki.
West Ham hefur átta stig í sjötta sæti deildarinnar.
