Meðlimir í stéttarfélagi sorphirðumanna samþykktu að fara í viku verkfall frá og með 1. nóvember ef viðsemjendur þeirra myndu ekki hækka tilboð sitt í kjaraviðræðum fyrir daginn í dag.
Ekkert tilboð barst og því munu sorphirðumennirnir fara í verkfall á sama tíma og búist er við að gríðarlegur fjöldi þjóðarleiðtoga, embættismanna, vísindamanna og fjölmiðlamanna mun koma saman í borginni til að taka þátt í loftlagsráðstefnu Sameinuðu þjóðanna.
Verkfallið nær til um 1.500 starfsmanna sem starfa í sorphirðu auk annarra starfa. Vilja þeir fá tvö þúsund punda launahækkun á ári, um 350 þúsund krónur en besta boð hingað til hefur aðeins verið 850 pund á ári, um 150 þúsund krónur.
