Erlent

Ever Given siglir aftur um Súes-skurðinn en með dráttarbáta með sér

Hólmfríður Gísladóttir skrifar
Ever Given kom til hafnar í Rotterdam 29. júlí eftir að hafa verið kyrrsett í Egyptalandi frá því í mars.
Ever Given kom til hafnar í Rotterdam 29. júlí eftir að hafa verið kyrrsett í Egyptalandi frá því í mars. epa/Remko De Waal

Gámaflutningaskipið Ever Given er nú á leið sinni í Rauðahaf, sem leið liggur um Súes-skurðinn. Vel er fylgst með skipinu, þar sem það komst í heimsfréttirnar fyrir að festast í skurðinum fyrr á þessu ári.

Ever Given er 400 metra langt og 220 þúsund tonn og hóf ferð sína um skurðinn í morgun. Samkvæmt Marine Traffic er það komið vel á veg en það er í fylgd tveggja dráttarbáta, svona til vonar og vara.

Skipið er í eigu japansks fyrirtækis en siglir undir panömskum fána. Það öðlaðist heimsfræg þegar það festist í Súes-skurðinum í mars og hindraði för hundruð skipa, sem meðal annars voru með búfénað innanborðs.

Ever Given var kyrrsett af yfirvöldum á Egyptalandi vegna deilna um ábyrgð á tjóninu sem strandið olli; eigandi skipsins sagði stjórnendum skurðarins um að kenna þar sem þeir höfðu heimilað för skipsins þrátt fyrir óhagstætt veður, á meðan síðarnefndu heimtuðu milljarða í bætur upp í töpuð umferðargjöld.

Deiluaðilar komust að samkomulagi í júlí og er skipið nú frjálst ferða sinna. Eigendur þess hafa sagst munu sigla áfram um Súes-skurðinn og ku þetta vera 23 ferð skipsins um skurðinn frá því að það var fyrst sjósett árið 2018.

Ever Given á leið sinni um skurðinn.
Skipaflutningar Egyptaland Súesskurðurinn

Tengdar fréttir

Ever Given losnar úr haldi egypskra yfirvalda

Egypsk yfirvöld hafa samið við skipafélagið Evergreen, eiganda Ever Given, og tryggjendur félagsins um skaðabætur vegna strands skipsins í Súesskurðinum í maí síðastliðnum.

Hefja fram­kvæmdir við breikkun eftir strand Ever Given

Framkvæmdir eru nú hafnar við breikkun á kafla Súesskurðarins. Ákveðið var að breikka hlutann vegna strands gámaflutningaskipsins Ever Given í mars síðastliðinn sem leiddi til gríðarlegra tafa á vöruflutningum í heiminum.

Ever Given fast á ný og yfirvöld vilja milljarða í bætur

Risaskipið Ever Given er nú aftur fast, eftir að hafa verið kyrrsett af dómstól í Ismailia. Eins og þekkt er orðið festist skipið í Súes-skurðinum, með þeim afleiðingum að öll umferð um skurðin stöðvaðist í um það bil viku.

Hafa loksins leyst úr mestu flækjunni við Súes­­skurðinn

Loks hefur endanlega tekist að leysa úr mestu flækjunni sem skapaðist í og við Súesskurðinn þegar flutningaskipið Ever Given festist þversum í skipaskurðinum. Yfir fjögur hundruð skip sátu föst á meðan unnið var að því að losa Ever Given sem festist í skurðinum þann 23. mars og sat fast í nokkra daga.

Súesskurðurinn aftur opinn fyrir umferð

Siglingar um Súesskurðinn í Egyptalandi hófust aftur með hefðbundnum hætti eftir að risavöxnu flutningaskipi sem hafði lokað skurðinum í hátt í viku var komið á flot í dag. Á fjórða hundrað skipa beið eftir að komast um skurðinn.

Hafa náð skipinu af strand­staðnum

Tekist hefur að ná gámaflutningaskipinu Ever Given á flot á ný að hluta. Skipið strandaði í Súesskurði síðastliðinn þriðjudag og þveraði skurðinn með þeim afleiðingum að nær öll umferð um skurðinn hefur stöðvast með tilheyrandi tjóni.

Kalla til fleiri dráttar­báta og vilja forðast að af­­ferma skipið

Búið er að kalla út tvo dráttarbáta til viðbótar við þá sem fyrir eru í Súes-skurðinum, til þess að reyna að losa hið 220 þúsund tonna flutningaskip Ever Given, sem situr nú fast og lokar skurðinum fyrir alla umferð. Svo kann að fara að afferma þurfi skipið.

„Á­hrif af þessu bætast ofan á þegar við­kvæma stöðu“

„Það sem er ótrúlegast í þessu er að við sjáum ekki hvernig þetta mál leysist og hvenær skipið mun losna.“ Þetta segir Björn Einarsson, framkvæmdastjóri sölu og viðskiptastýringar hjá Eimskip, um stöðu skipaflutninga í heiminum eftir að eitt stærsta gámaflutningaskip heims strandaði í Súesskurði og þar sem það hefur stöðvað nær alla umferð.

Gæti tekið fleiri vikur að losa skipið úr skurðinum

Ekki er útilokað að það gæti tekið einhverjar vikur að losa gámaflutningaskipið sem lokar nú umferð um Súesskurðinn í Egyptalandi. Eigandi skipsins hefur beðist afsökunar á að trufla vöruflutninga.

Mest lesið


Fleiri fréttir

Sjá meira


×

Mest lesið