Rekstrarland býður fyrirtækjum úttekt á hreinlætis- og sóttvarnarbúnaði

Rekstrarland býður upp á mikið úrval af sótthreinsivörum og -búnaði frá nokkrum viðurkenndum aðilum í þeim geira, eins og Abena, Evans, Ecolab og Kimberly Clark, en einnig breitt vöruúrval frá Mjöll Frigg sem lengi hefur verið í fararbroddi á Íslandi í framleiðslu á hreinlætisvörum. Rekstrarland sinnir bæði einstaklingum, fyrirtækjum og stofnunum og hefur meðal annars séð mörgum af stærstu heilbrigðisstofnunum landsins fyrir slíkum vörum um árabil. Vörum á borð við grímur, handspritt, sprittgel, einnota hanska og hlífðarfatnað og úrval snertilausra sápu- og sprittskammtara.

Sótthreinsibúnaður er orðinn sjálfsagður og nauðsynlegur hluti af tilveru okkar hvar sem við komum. Rekstrarland býður fyrirtækjum og stofnunum úttekt á hreinlætis- og sóttvarnarmálum þar sem sérfræðingur frá Rekstrarlandi mætir í fyrirtækið, skoðar hvað betur má fara og mælir með vörum og búnaði í takt við það. Rekstrarland sér einnig um uppsetningu á búnaði, eins og skömmturum o.fl., ef óskað er.