Fótbolti

Tíu leikmenn Malmö hentu Steven Gerrard og lærisveinum hans úr Meistaradeildinni

Hjörtur Leó Guðjónsson skrifar
Steven Gerrard fer ekki með Rangers í riðlakeppni Meistaradeildarinnar.
Steven Gerrard fer ekki með Rangers í riðlakeppni Meistaradeildarinnar. Steve Welsh/Getty Images

Skoska liðið Rangers, undir stjórn Steven Gerrard, er úr leik í Meistaradeild Evrópu eftir 2-1 tap á heimavelli gegn sænska liðinu Malmö FF. Svíarnir unnu fyrri leikinn einnig 2-1 og samanlögð úrslit því 4-2.

Skotarnir komust yfir á 19. mínútu með marki frá Alfredo Morelos efti stoðsendingu frá Ryan Kent.

Hvorugu liðinu tókst að skora meira í fyrri hálfleik, en leikmaður Malmö, Bonke Innocent, nældi sér í tvö gul spjöld á fimm mínútna rétt fyrir hlé og þar með rautt spjald.

Það virtist þó ekki draga úr Svíunum að þurfa að spila allan seinni hálfleikinn manni færri. Antonio-Mirko Colak jafnaði metin á 53. mínútu eftir stoðsendingu frá Veljko Birmancevic.

Antonio-Mirko Colak kom Malmö svo í 2-1 forystu, aðeins fjórum mínútum seinna. Það reyndist lokamark leiksins og 2-1 sigur sænska liðsins í höfn.

Meistaradeild Evrópu

Mest lesið


Fleiri fréttir

Sjá meira


×

Mest lesið