Brynjar Ingi skoraði tvö í frumraun sinni

Brynjar Ingi var í byrjunarliði Lecce en um var að ræða fyrsta leik liðsins á undirbúningstímabilinu og lék liðið gegn ítölsku neðri deildarliði að nafni Sinigo.

Hinn 22 ára gamli Brynjar leikur jafnan í stöðu miðvarðar en hann gerði sér lítið fyrir og skoraði tvö mörk með átta mínútna millibili í fyrri hálfleik en síðara mark Brynjars var úr vítaspyrnu.

Leiknum lauk með 13-0 sigri Lecce.

Brynjar skoraði þrjú mörk í 40 leikjum með KA í efstu deild á Íslandi.

Keppni í ítölsku B-deildinni hefst þann 20.ágúst næstkomandi en á dögunum bættist annar íslenskur leikmaður í raðir Lecce þegar Þórir Jóhann Helgason var keyptur frá FH.