Pepsi Max-deild karla
Tveir leikir eru á dagskrá í Pepsi Max-deild karla í kvöld. Upphitun fyrir þá leiki hefst klukkan 18:45 á Stöð 2 Sport áður en leikur KR og Keflavíkur verður sýndur á sömu rás.
Leiknir mætir ÍA í Breiðholti í gríðarmikilvægum leik fyrir bæði lið í botnbaráttunni á sama tíma en bein útsending frá þeim leik hefst klukkan 19:05 á stod2.is.
Farið verður svo yfir leikina tvo í Pepsi Max-stúkunni klukkan 21:15 á Stöð 2 Sport.
Pepsi Max-deild kvenna
Fylkir mætir Breiðabliki í þeim leik í Pepsi Max-deild kvenna sem hefst fyrr, klukkan 19:15. Bein útsending frá þeim leik hefst klukkan 19:05 á stod2.is.
Þá mætir Stjarnan liði Vals í Garðabæ klukkan 20:00 en sá leikur verður í beinni útsendingu frá 19:50 á Stöð 2 Sport 4.
