Fótbolti

Svíar vitna í Lloyd úr „Dumb and Dumber“ í léttu gríni um litla mögu­leika Finna

Óskar Ófeigur Jónsson skrifar
Fyrirliðinn Paulus Arajuuri og félagar hans í finnska landsliðinu sjá örugglega spaugilegu hliðina á stöðunni en það er ekkert sem þeir geta gert í dag nema að horfa á leikina og vona það besta.
Fyrirliðinn Paulus Arajuuri og félagar hans í finnska landsliðinu sjá örugglega spaugilegu hliðina á stöðunni en það er ekkert sem þeir geta gert í dag nema að horfa á leikina og vona það besta. AP/Lars Baron

Lloyd Christmas sá alltaf það besta í stöðunni sama hversu döpur hún var. Finnarnir verða að gera það sama í kvöld. Þeir eiga möguleika á sæti í sextán liða úrslitunum en sá möguleiki er þó frekar fjarstæður.

Svíar eru komnir áfram í sextán liða úrslitin fyrir lokaumferðina og fólkið á Fotbollskanalen leyfðu sér að gera smá grín að litlum möguleikum nágranna sinna.

Finnar enduðu í þriðja sætinu í sínum riðli en þeir eru bara með þrjú stig og mínus tvö mörk í markatölu.

Til að Finnarnir komist áfram þá þarf eftirfarandi að gerast eins og sjá má í upptalningu Fotbollskanalen hér fyrir neðan.

  • 1. Frakkar þurfa að vinna Portúgal með fjórum eða fleiri mörkum en það er ekki nóg ...
  • 2. Ungverjaland þarf að ná jafntefli við Þýskaland eða vinna með fjórum eða fleiri mörkum en það er ekki nóg ...
  • 3. Slóvakía þarf að vinna Spán eða Spánn þarf að vinna Slóvakíu með þremur mörkum eða meira en það er ekki nóg ...
  • 4. Svíþjóð þarf að ná stigi á móti Póllandi.

Eða eins og Lloyd Christmas úr „Dumb and Dumber“ myndinni sagði: „So you're saying there's a chance,“ eða á íslensku „Svo þú ert að segja mér að það sé möguleiki.“

EM 2020 í fótbolta Finnland

Mest lesið


Fleiri fréttir

Sjá meira


×

Mest lesið