Sumarleikur Fjarðarkaupa í fullum gangi

Fjarðarkaup 18. júní 2021 15:00

Fjarðarkaup er stór og rúmgóð verslun þar sem áhersla er lögð á góða þjónustu með allt á einum stað.

Heppnir viðskiptavinir Fjarðarkaupa geta átt von á veglegum vinningum.

Sumarleikur Fjarðarkaupa fór í gang þann 10. júní. Heppnir viðskiptavinir geta átt von á glæsilegum vinningum verði þeir dregnir úr pottinum en leikurinn stendur til 29. júlí. Til þess að taka þátt þarf að fylla út þátttökuseðil í versluninni og fylgjast svo vel með á Bylgjunni í júlí en dregið verður út fjórum sinnum yfir mánuðinn.

„Við höfum blásið til þessa leiks á hverju sumri frá árinu 2004 og það er alltaf mikil þátttaka. Að sjálfssögðu erum við með handspritt tiltækt þegar fólk fyllir út miðana og pössum vel upp á sóttvarnir,“ segir Ingibjörg Sveinsdóttir markaðs- og mannauðsstóri Fjarðarkaupa.

Dregið verður út dagana 10. 17. 24. og 29. júlí og eru vinningarnir ekki af verri endanum: Iphone SE, Airpods pro, Apple TV, miðar fyrir tvo á Þjóðhátíð og í Herjólf, inneignir á ÓB bensín og fjölskyldupassar í Mínigarðinn.

Fjarðarkaup er ein af fáum verslunum landsins sem býður bæði kjöt- og fiskborð.

Opið á Kaffi Vin

Ingibjörg segir ýmsar uppákomur á dagskrá Fjarðarkaupa yfir árið og reglulega sé blásið til gjafaleikja á samfélagsmiðlum, bæði Facebook og Instagram. Skemmtilegast sé þó að geta haft leiki í gangi í versluninni sjálfri enda eru Fjarðarkaup þekkt fyrir notalegt andrúmsloft.

Notalegt andrúmsloft einkennir Fjarðarkaup.

Fjarðarkaup er fjölskyldufyrirtæki og erum við með gott starfsfólk sem aðstoðar viðskiptavini og er sýnilegt í versluninni. Margt fólk kemur hingað til okkar ekki bara til að versla heldur einnig til að hitt annað fólk og spjalla og við söknuðum þess mikið þegar covid skall á að geta ekki boðið fólki að stoppa lengur í versluninni. En nú er það að breytast með afléttingu fjöldatakmarkana og hægt að setjast niður á kaffihúsinu okkar, Kaffi Vin, og fá sér kaffi, bakkesli og spjalla,“ segir Ingibjörg.

Prjónadeildin er afar kósý í Fjarðarkaupum.

Mikið úrval

Í Fjarðarkaupum má finna bæði kjöt- og fiskborð og er verslunin ein fárra sem státar af slíku.

„Við teljum kjöt- og fiskborðið meðal okkar helstu styrkleika. Þar höfum við á boðstólum úrval af íslensku hráefni, nýtt og ferskt alla daga, bæði kjöt og fisk. Í versluninni er einnig stór grænmetisdeild og veglegt mjólkurtorg. Hér eru tvær „búðir í búðinni“ ef svo má segja; Fræið með ríkulegt úrval af heilsuvörum og Rokka með allt fyrir hannyrðirnar. Þá má ekki gleyma miklu úrvali af búsáhöldum, fötum og snyrtivörum, leikföngum, gjafavöru, inni- og útiblómum. Verslunin er stór og rúmgóð og við leggjum áherslu á góða þjónustu með allt á einum stað.“