Fótbolti

Ensku meistararnir og fleiri horfa til Tórínó

Anton Ingi Leifsson skrifar
Andrea Belotti er einnig með fyrirliðabandið hjá Torino.
Andrea Belotti er einnig með fyrirliðabandið hjá Torino. Marco Canoniero/LightRocket

Andrea Belotti, leikmaður Tórínó, hefur vakið mikla athygli á Ítalíu og nú horfa ensku stórliðin til hans.

Belotti er þekktur markaskorari en hann hefur skorað tólf mörk á þessari leiktíð og lagt upp önnur sjö.

Belotti hefur leikið með Tórínó síðan 2015 en í sumar gæti hann tekið næsta skref. Það vantar allavega ekki áhugann.

Tuttomercatoweb greinir frá því á vef sínum í dag að tríóið frá Englandi; Liverpool, Manchester United og Tottenham séu öll áhugasöm.

Ensku liðin keppa þó við önnur lið, þar á meðal AC Milan, sem er talið vera líklegasti áfangastaðurinn skipti Belotti um lið í sumar.

Hann er samningsbundinn Tórínó til ársins 2022.

Ítalski boltinn

Mest lesið


Fleiri fréttir

Sjá meira


×

Mest lesið