Ný herferð um sanngjarna dreifingu bóluefna Heimsljós 12. mars 2021 12:32 UNICEF/Francis Kokoroko Herferð Sameinuðu þjóðanna undirstrikar þörfina fyrir alþjóðlega samstöðu um jafnan aðgang allra að bóluefnum. Sameinuðu þjóðirnar kynntu í gær nýja alþjóðlega herferð „Only Together“ (Einungis með einingu), sem hefur það markmið að tryggja sanngjarnan aðgang að bóluefnum gegn COVID-19 um heim allan. Herferðin undirstrikar þörfina fyrir alþjóðlega samstöðu um jafnan aðgang allra að bóluefnum en beinist í upphafi að heilbrigðisstarfsfólki og þeim sem stendur mest ógn af sjúkdómnum. „Kórónuveiran hefur lagt að velli rúmlega 2,5 milljónir manna og skilið milljónir eftir með langvarandi heilsubrest,“ sagði Antonio Guterres, aðalframkvæmdastjóri Sameinuðu þjóðanna þegar herferðin var kynnt. Amina J. Mohammed, aðstoðar framkvæmdastjóri samtakanna sagði við sama tækifæri að undangengið ár „höfum við öll misst af því að gera það sem við elskum að gera með öðrum – borða, knúsa og fara í skóla og vinnu,“ auk þess sem Amina nefndi að fjölmargir hafi misst ástvin eða lífsviðurværi sitt. Umfangsmesta dreifing bóluefna í sögunni stendur nú sem hæst og milljónum skammta er dreift víðs vegar um veröldina, þar á meðal til fátækustu ríkja heims, fyrir tilstuðlan COVAX-samstarfsins. Í frétt frá Sameinuðu þjóðunum segir að COVID-19 bóluefnin komi í veg fyrir dauðsföll, afstýri því að ný afbrigði komi fram, endurveki hagkerfi og feli í sér bestu vonina um að benda enda á heimfaraldurinn. Að mati Guterres getur ekkert ríki sigrast á COVID-19 í einangrun. Hann hvetur ríkisstjórnir og fyrirtæki til þess að deila skömmtum og tækni til að auka framboð og hraða dreifingu. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Faraldur kórónuveiru (COVID-19) Bólusetningar Mest lesið Bylgja Dís er látin Innlent Fjárlög 2026: Ríkisstjórnin sýnir á spilin fyrir næsta ár Innlent Bera kennsl á mann fimmtíu árum eftir að hann lét sig hverfa Erlent Fjórar ungar vinkonur fórust í eldsvoða í Noregi Erlent „Mjög miður að við séum komin á þennan stað“ Innlent Daður við drengi sem verður kynferðislegt og endar með hótun Innlent Fjórir af hverjum fimm vilja setja árlegt hámark á hælisleitendur Innlent Fundu villuráfandi ferðamenn nærri skálanum í Landmannalaugum Innlent Ósáttur við skattana og hefði viljað loka fjárlagagatinu Innlent Mál úgandsks stríðsherra gæti haft þýðingu fyrir Pútín og Netanjahú Erlent
Sameinuðu þjóðirnar kynntu í gær nýja alþjóðlega herferð „Only Together“ (Einungis með einingu), sem hefur það markmið að tryggja sanngjarnan aðgang að bóluefnum gegn COVID-19 um heim allan. Herferðin undirstrikar þörfina fyrir alþjóðlega samstöðu um jafnan aðgang allra að bóluefnum en beinist í upphafi að heilbrigðisstarfsfólki og þeim sem stendur mest ógn af sjúkdómnum. „Kórónuveiran hefur lagt að velli rúmlega 2,5 milljónir manna og skilið milljónir eftir með langvarandi heilsubrest,“ sagði Antonio Guterres, aðalframkvæmdastjóri Sameinuðu þjóðanna þegar herferðin var kynnt. Amina J. Mohammed, aðstoðar framkvæmdastjóri samtakanna sagði við sama tækifæri að undangengið ár „höfum við öll misst af því að gera það sem við elskum að gera með öðrum – borða, knúsa og fara í skóla og vinnu,“ auk þess sem Amina nefndi að fjölmargir hafi misst ástvin eða lífsviðurværi sitt. Umfangsmesta dreifing bóluefna í sögunni stendur nú sem hæst og milljónum skammta er dreift víðs vegar um veröldina, þar á meðal til fátækustu ríkja heims, fyrir tilstuðlan COVAX-samstarfsins. Í frétt frá Sameinuðu þjóðunum segir að COVID-19 bóluefnin komi í veg fyrir dauðsföll, afstýri því að ný afbrigði komi fram, endurveki hagkerfi og feli í sér bestu vonina um að benda enda á heimfaraldurinn. Að mati Guterres getur ekkert ríki sigrast á COVID-19 í einangrun. Hann hvetur ríkisstjórnir og fyrirtæki til þess að deila skömmtum og tækni til að auka framboð og hraða dreifingu. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Faraldur kórónuveiru (COVID-19) Bólusetningar Mest lesið Bylgja Dís er látin Innlent Fjárlög 2026: Ríkisstjórnin sýnir á spilin fyrir næsta ár Innlent Bera kennsl á mann fimmtíu árum eftir að hann lét sig hverfa Erlent Fjórar ungar vinkonur fórust í eldsvoða í Noregi Erlent „Mjög miður að við séum komin á þennan stað“ Innlent Daður við drengi sem verður kynferðislegt og endar með hótun Innlent Fjórir af hverjum fimm vilja setja árlegt hámark á hælisleitendur Innlent Fundu villuráfandi ferðamenn nærri skálanum í Landmannalaugum Innlent Ósáttur við skattana og hefði viljað loka fjárlagagatinu Innlent Mál úgandsks stríðsherra gæti haft þýðingu fyrir Pútín og Netanjahú Erlent