Krakkarnir mæta meisturunum í kvöld

Leikmenn aðalliðs Villa verða ekki með í leiknum í kvöld eftir að kórónuveirusmit kom upp hjá félaginu. Þrátt fyrir það fer leikur kvöldsins fram.

Villa mun tefla fram leikmönnum úr vara- og unglingaliði sínu gegn Englandsmeisturunum í kvöld. Þá mun Mark Delaney, þjálfari varaliðsins, stýra Villa í fjarveru Deans Smith.

Á síðasta tímabili tefldi Liverpool fram unglingaliði gegn Villa í enska deildabikarnum. Aðallið Liverpool keppti á sama tíma í HM félagsliða.

Leikur Aston Villa og Liverpool hefst klukkan 19:45 og verður sýndur beint á Stöð 2 Sport 2.

Enska bikarkeppnin, FA Cup, er á Stöð 2 Sport en upplýsingar um útsendingar má finna hér. FA Cup er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.