Rúnar Alex Rúnarsson verður í marki Arsenal í Noregi í kvöld þegar liðið mætir Molde í Evrópudeildinni í fótbolta.
Leikurinn hefst kl. 17.45 og þess má geta að hann er í beinni útsendingu á Stöð 2 Sport 2.
Rúnar Alex, sem kom til Arsenal frá Dijon í Frakklandi í september, hefur leikið einn leik fyrir enska félagið. Það var einnig í Evrópudeildinni, í 3-0 sigri á írska liðinu Dundalk fyrir mánuði síðan.
Byrjunarlið Arsenal má sjá hér að neðan.
Team news!
— Arsenal (@Arsenal) November 26, 2020
Alex Runarsson in goal
@LacazetteAlex captains the side
Granit Xhaka x Joe Willock#UEL
Arsenal er á toppi B-riðils eftir þrjár umferðir af sex. Liðið er með fullt hús stiga eða níu stig, Molde með 6, Rapid Vín með 3 og Dundalk 0. Það er því mögulegt að Arsenal tryggi sér farseðilinn í 32-liða úrslit í kvöld.